每日一字 〈崛跣揜"扌戟"俶轆樖梳〉

每日一字 13.1.19

口: 一陣默書成數有幾多?

書: 一會兒默書成功的可能性有多少?

每日一字 13.1.20

口: 尐雪剛剛落個陣時呢都仲係軟綿綿嘅，但係如果尐天氣一路都係噉樣凍落去的話，過咗二，三日之後就會變成硬崛崛嘅冰塊，仲好易跣倒添。

書: 雪剛落下的時候，還是軟荏荏的，但是若果天氣持續寒冷，二，三天後便會變成硬摑摑的冰塊，還會非常容易滑倒。

每日一字 13.1.24

口: 凡事都要憑良心講，唔可以揜住良心講嘢。

書: 凡事都要憑著良心説，不可以瞞著良心説話。

每日一字 13.1.25

口: 尐玩具立亂放，一陣撠"扌戟"親點算!

書: 玩具亂槽槽的，一個不小心拌到怎麼辦!

每日一字 13.1.26

口: 爸爸老咗之後，無宜家行得咁快，你唔好俶一聲噉行咗去唔理爸爸就得嘞!

書: 爸爸老了之後，行動沒有現在那麼快，你不要一下就不見跡影就好了!

每日一字 13.1.28

口: 話就係咁話，外國嘅月亮係大尐，但估唔到擒晩個月亮係圓轆轆。

書: 話是這樣説，外國的月亮是相對比較大，昨晩的月亮更是圓溜溜。

每日一字 13.1.31

口: 叫你買樖菜，你就買梳蕉。

書: 吩咐你買一棵菜，你卻買一串香蕉。

Tim ホオ