每日一字 〈慳撈嘈嘥腮"口下"瞓竇撓痕〉

每日一字 13.1.9

口: 今時今日能用電腦上網做功課，真係慳水慳力。

書: 這個年代能夠利用互聯網來做功課，真是節省時間。

每日一字 13.1.10

口: 你哋兩個係咪撈亂骨頭，由朝嘈到晚。

書: 你們兩兄妹不要再鬥氣了，可以嗎!?

每日一字 13.1.12

口: 你唔好口水多過茶了，快啲做功課，嘥哂父母的心機。

書: 你不要説那麼多廢話，快點兒做功課，不要浪費父母的心血。

每日一字 13.1.13

口: 你唔好鼓埋泡腮，笑"口下"啦！

書: 你不要愁眉苦臉, 笑一下吧!

每日一字 13.1.14

口: 等咗咁耐，今日啲雪終於好似落狗屎噉落。

書: 等了那麼久，今天終於下起大雪了。

每日一字 13.1.16

口: 以前細個我哋好考順，冬天嗰陣時都係瞓暖咗個被竇先至俾老竇瞓。

書: 小時候我們好考順，冬天的時候會先把被窩睡暖才讓給父親睡。

每日一字 13.1.18

口: 妹妹腳上痕痕地，撓痕撓到起咗一條痕。

書: 妹妹腳上皮膚癢，搔癢搔到起了一條痕。